თბილისში მიმდინარე შერეული საბრძოლო ხელოვნებების მსოფლიოს ჩემპიონატზე ნიკა ბერიძემ ახალგაზრდებს შორის ოქროს მედალი მოიპოვა

თბილისში მიმდინარე შერეული საბრძოლო ხელოვნებების მსოფლიოს ჩემპიონატზე ნიკა ბერიძემ ახალგაზრდებს შორის ოქროს მედალი მოიპოვა. პლანეტის პირველობის ფინალში მან უზბეკი დონიორ კუვანდიკოვი დაამარცხა. ჩემპიონობის შანსი კიდევ სამ ქართველ სპორტსმენს ჰქონდა, თუმცა იოანე ბიქოშვილი, გივი ბერიძე და საბა სულამანიძე გადამწყვეტ შეხვედრებში დამარცხდნენ. მსოფლიო ჩემპიონატის მიმდინარეობას დარბაზიდან თვალს UFC-ის ქართველი მებრძოლი ილია თოფურია ადევნებდა. მან დაჯილდოების ცერემონიალშიც მიიღო მონაწილეობა და ქართველ ჩემპიონს მედალი გადასცა. შეჯიბრება დღეს უფროსი ასაკის სპორტსმენებს შორის ფინალური შეხვედრებით დასრულდება. ოქროს მედლის მოპოვებას მძიმე წონაში ლევან ლაგვილავა შეეცდება, რომლის მეტოქეც რუსი ომარ გასაინიევი იქნება