მარნეულის სოფელ მეორე ქესალოში არქეოლოგებმა კომპლექსის ნაწილი გამოავლინეს, რომელიც, წინასწარი შეფასებით, V–VI საუკუნეების ადგილობრივი მმართველის ან დიდგვაროვნის სასახლე იყო
მარნეულის სოფელ მეორე ქესალოში არქეოლოგებმა კომპლექსის ნაწილი გამოავლინეს, რომელიც, წინასწარი შეფასებით, V–VI საუკუნეების ადგილობრივი მმართველის ან დიდგვაროვნის სასახლე იყო. ეროვნული მუზეუმის ექსპედიცია ახლა კომპლექსის დასავლეთ და ჩრდილოეთ მონაკვეთებს იკვლევს. არქეოლოგები კედლებს, კრამიტის ფენებსა და დარბაზების იატაკებს გაწმენდენ. გათხრილ მონაკვეთებს კი დამცავი ფენით დაფარავენ, რათა ნაშთები შემდგომი დაზიანებისგან დაიცვან. მეორე ქესალოს არქეოლოგიური კომპლექსის შესწავლა მნიშვნელოვანია ქვემო ქართლის ისტორიული წარსულისა და ადრეული შუა საუკუნეების არქიტექტურული მემკვიდრეობის თვალსაზრისითაც. სამუშაოებს, კულტურული მემკვიდრეობის დაცვის ეროვნული სააგენტოს დაფინანსებით, ეროვნული მუზეუმი ახორციელებს.













