დავით ფეიქრიშვილის მიმართ ძალადობის ფაქტზე, პენიტენციური სამსახურის ყოფილ გენერალურ დირექტორს, გლდანის მერვე დაწესებულების ყოფილ დირექტორსა და კიდევ 5 ადამიანს ბრალდება წარედგინა

დავით ფეიქრიშვილის მიმართ ძალადობის ფაქტზე, პენიტენციური სამსახურის ყოფილ გენერალურ დირექტორს, გლდანის მერვე დაწესებულების ყოფილ დირექტორსა და კიდევ 5 ადამიანს ბრალდება წარედგინა. პროკურატურის განმარტებით, 16 ოქტომბერს, მერვე პენიტენციურ დაწესებულებაში ვატო და შოთა ყიფიანები, ავთანდილ ბილანიშვილი, დავით კაჭარავა და პავლე გოცირიძე დავით ფეიქრიშვილის საკანში განათავსეს. რაც ვატო ყიფიანის თხოვნით, პენიტენციური გენერალური დირექტორის მითითებითა და დაწესებულების დირექტორის გადაწყვეტილებით, საკანში განთავსების წესების დარღვევით მოხდა. ხუთივე მათგანმა ფეიქრიშვილზე ჯგუფურად ფიზიკურად იძალადა.