საოკუპაციო ძალების მიერ გორის სოფელ ბერშუეთის მიმდებარედ დაკავებული საქართველოს მოქალაქე თავისუფალია

თავისუფალია, საოკუპაციო ძალების მიერ გორის სოფელ ბერშუეთის მიმდებარედ დაკავებული საქართველოს მოქალაქე და ცენტრალური ხელისუფლების მიერ კონტროლირებად ტერიტორიაზე იმყოფება. სახელმწიფო უსაფრთხოების სამსახურის ინფორმაციით, გათავისუფლების პროცესში ყველა არსებული მექანიზმი გამოიყენეს, მათ შორის, ევროკავშირის სადამკვირვებლო მისიის ცხელი ხაზი. სუსი აცხადებს, რომ მუშაობა გრძელდება ოკუპირებულ ტერიტორიებზე უკანონო პატიმრობაში მყოფი სხვა მოქალაქეების გასათავისუფლებლად.