შინაგან საქმეთა მინისტრის მოადგილე ალექსანდრე დარახველიძე სამუშაო ვიზიტით ჩინეთში იმყოფება, სადაც საერთაშორისო საპოლიციო თანამშრომლობის ფორუმში მიიღო მონაწილეობა

შინაგან საქმეთა მინისტრის მოადგილე ალექსანდრე დარახველიძე სამუშაო ვიზიტით ჩინეთში იმყოფება, სადაც საერთაშორისო საპოლიციო თანამშრომლობის ფორუმში მიიღო მონაწილეობა. მან ტრანსნაციონალურ დანაშაულთან ბრძოლისა და საერთაშორისო თანამშრომლობის მნიშვნელობაზე ილაპარაკა. ვიზიტის ფარგლებში დარახველიძე ჩინეთის საზოგადოებრივი უსაფრთხოების დეპარტამენტის გენერალურ დირექტორს შეხვდა. მხარეებმა სამართალდამცავ უწყებებს შორის თანამშრომლობის გაღრმავების საკითხები განიხილეს. ალექსანდრე დარახველიძემ ჩინელი კოლეგა საპასუხო ვიზიტით საქართველოში მოიწვია.