ქვევრში ღვინის დაყენების ქართული ტრადიცია შანხაიში გამართული საერთაშორისო სიმპოზიუმის, „თიხის კონვენციის“, მთავარი თემა იყო

ქვევრში ღვინის დაყენების ქართული ტრადიცია შანხაიში გამართული საერთაშორისო სიმპოზიუმის, „თიხის კონვენციის“, მთავარი თემა იყო. ქართველმა მეღვინეებმა ღვინის სფეროს პროფესიონალებს ამ მეთოდის ისტორია და ტექნოლოგია გააცნეს. სტუმრებმა ქართული ღვინო დააგემოვნეს და ქვევრის ღვინის წარმოებაზე გადაღებული დოკუმენტური ფილმი ნახეს. სიმპოზიუმზე თიხის ჭურჭელში ღვინის დაყენების ესპანურ, პორტუგალიურ და ბერძნულ გამოცდილებაზეც ისაუბრეს. ქვევრში ღვინის დაყენების ქართული მეთოდი იუნესკომ არამატერიალური კულტურული მემკვიდრეობის სიაში 2013 წელს შეიტანა.