ევროკავშირში გაწევრების სურვილი ევროპული ფასეულობებით, კულტურითა და ტრადიციებით ახსნა, საქართველოს პრემიერმა, დუბლინში საერთაშორისო და ევროპულ საქმეთა ინსტიტუტში გამართულ დისკუსიაზე

ევროკავშირში გაწევრების სურვილი ევროპული ფასეულობებით, კულტურითა და ტრადიციებით ახსნა, საქართველოს პრემიერმა, დუბლინში საერთაშორისო და ევროპულ საქმეთა ინსტიტუტში გამართულ დისკუსიაზე. როგორც აღნიშნა, პოლიტიკოსებსა და ბიუროკრატებს ირჩევენ, თუმცა გარკვეული პერიოდის შემდეგ ისინი მიდიან, ევროპა და ევროკავშირი კი დარჩება. ირაკლი კობახიძემ ხაზი გაუსვა საქართველოს სტრატეგიულ მდებარეობას და თქვა, რომ თბილისი მზად არის, ევროპელ პარტნიორებთან იმ საკითხებზეც იმსჯელოს, რომლებზეც კრიტიკა ისმის. კითხვა-პასუხისას საქართველოს მთავრობის მეთაურმა განაცხადა, რომ აფხაზეთსა და ცხინვალის რეგიონში კონფლიქტები მხოლოდ მშვიდობიანი გზით უნდა მოგვარდეს. მან პოლიტიკური პარტიების არაკონსტიტუციურად ცნობის საკითხზეც უპასუხა შეკითხვას.