გამოკითხვა: მაკრონის საქმიანობას დადებითად ფრანგების მხოლოდ 14% აფასებს
მსოფლიო

ემანუელ მაკრონი
ფოტო: Getty Images
საფრანგეთის პრეზიდენტ ემანუელ მაკრონის საქმიანობის მოწონების დონე 14%-მდე შემცირდა. ამის შესახებ კვლევითი ორგანიზაცია Ipsos-BVA-ს გამოკითხვის შედეგები მოწმობს. წინა გამოკითხვასთან შედარებით, მაკრონის რეიტინგი კიდევ ერთი პროცენტული პუნქტით დაეცა. აღნიშნულია, რომ ფრანგების 83% მის მუშაობას უარყოფითად აფასებს.
Ipsos-BVA-ს გენერალური დირექტორის მოადგილის ბრიუს ტენტურიეს თქმით, პრეზიდენტის არაპოპულარობის დონემ იმ მაჩვენებელს მიაღწია, რომელიც მანამდე ფრანსუა ოლანდის შემთხვევაში დასტურდებოდა.
უარყოფითად აფასებენ პრემიერ-მინისტრ სებასტიან ლეკორნუს მუშაობასაც: გამოკითხულთა მხოლოდ 19% იწონებს მის საქმიანობას მაშინ, როცა 72% უკმაყოფილებას გამოთქვამს. ერთი თვის განმავლობაში მისი მხარდაჭერის რეიტინგი სამი პუნქტით შემცირდა.
მთავრობის წევრებს შორის ყველაზე მაღალი შეფასებები იუსტიციის მინისტრმა ჟერალდ დარმანენმა (40%) და შინაგან საქმეთა მინისტრმა ლორან ნუნიესმა (24%) მიიღეს.





