ბერლინსა და შტუტგარტში მილიტარიზაცია და განათლების დაფინანსების შემცირება გააპროტესტეს
მსოფლიო

ფოტო: Anadolu
ბერლინში პოლიციასა და დემონსტრანტებს შორის დაპირისპირება მოხდა. აქციის მონაწილეები სავალდებულო სამხედრო სამსახურის შემოღებას, განათლების დაფინანსების შემცირებასა და მთავრობის სხვა პოლიტიკურ გადაწყვეტილებებს აპროტესტებდნენ. სამართალდამცველებმა მანიფესტანტების წინააღმდეგ ხელკეტები გამოიყენეს. დაკავებულია 22 აქტივისტი.
საპროტესტო მსვლელობა გაიმართა შტუტგარტშიც. შეკრებილები ქვეყნის მილიტარიზაციას, სოციალურ უთანასწორობასა და ცხოვრების გაძვირებას აპროტესტებდნენ, ითხოვდნენ განათლების სფეროს დაფინანსების გაზრდას და დასაქმებულთა უფლებების დაცვას. ვითარება მას შემდეგ დაიძაბა, რაც პოლიციამ ქალაქის ცენტრში დაგეგმილი მსვლელობის ჩატარების აღკვეთა სცადა. მანიფესტანტებმა სამართალდამცველებს პიროტექნიკა ესროლეს, სპეცრაზმელებმა კი მათ წინააღმდეგ ხელკეტები გამოიყენეს.





