ტრამპი: დიდი გამარჯვება „ფეიკ ნიუს“ BBC-ის წინააღმდეგ, რომელიც სასტიკად ამახინჯებს სიმართლეს - ჩვენ გავაგრძელებთ ბრძოლას და დავამარცხებთ ყველას, ვინც ამერიკელი ხალხის შეცდომაში შეყვანას ცდილობს
მსოფლიო

დონალდ ტრამპი
GettyImages
აშშ-ის პრეზიდენტმა, დონალდ ტრამპმა სოციალურ ქსელში გავრცელებულ განცხადებაში აღნიშნა, რომ მან ფლორიდის სამხრეთ ოლქის ფედერალურ სასამართლოში BBC-ის წინააღმდეგ „უზარმაზარი გამარჯვება“ მოიპოვა.
ტრამპის განცხადებით, მოსამართლე ჯეფრი ტ. კუნცმა ძლიერი და პრინციპული გადაწყვეტილება მიიღო.
„დიდი გამარჯვება „ფეიკ ნიუს“ BBC-ის წინააღმდეგ, რომელიც სასტიკად ამახინჯებს სიმართლეს. ფლორიდის სამხრეთ ოლქის პატივცემულმა მოსამართლემ, ჯეფრი კუნცმა მნიშვნელოვანი გადაწყვეტილება გამოიტანა. თავის ძლიერ მოსაზრებაში მოსამართლე კუნცმა დაწერა: „მოცემულ შემთხვევაში, მედიასაშუალებამ თავად შექმნა სიუჟეტი. BBC-მ ეს თავადაც აღიარა, როდესაც დაადასტურა ვიდეომასალის ისეთი სახით რედაქტირება, თითქოს პრეზიდენტმა ტრამპმა გააკეთა განცხადება, რომელიც რეალურად არასდროს უთქვამს“. ჩვენ გავაგრძელებთ ბრძოლას და დავამარცხებთ ყველას, ვინც ამერიკელი ხალხის შეცდომაში შეყვანას ცდილობს!“ - აღნიშნა აშშ-ის პრეზიდენტმა.





