საქართველოდან სომხეთში, დამამძიმებელ გარემოებებში ჩადენილი განზრახ მკვლელობის, 8 პირის განზრახ მკვლელობის მცდელობის, ხულიგნობის, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ფაქტებზე ძებნილი პირის ექსტრადიცია განხორციელდა

საქართველოდან სომხეთში, დამამძიმებელ გარემოებებში ჩადენილი განზრახ მკვლელობის, 8 პირის განზრახ მკვლელობის მცდელობის, ხულიგნობის, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ფაქტებზე ძებნილი პირის ექსტრადიცია განხორციელდა. სომხეთის სამართალდამცავი ორგანოების მიერ ძებნილი პირი საქართველოს ტერიტორიაზე შინაგან საქმეთა სამინისტროს თანამშრომლებმა დააკავეს. ის სპეციალური პენიტენციური სამსახურის თანამშრომლებმა სომხეთის კომპეტენტური ორგანოების წარმომადგენლებს გადასცეს. საქართველოს პროკურატურა მადლობას უხდის შინაგან საქმეთა სამინისტროს, იუსტიციის სამინისტროსა და სპეციალურ პენიტენციურ სამსახურს, მათი კომპეტენციის ფარგლებში გატარებული ღონისძიებებისთვის.