თერჯოლის სოფელ თავასაში ცოფზე დაკვირვების 6-თვიანი პერიოდის გავლის შემდეგ 30 ძაღლს გააჩუქებენ

თერჯოლის სოფელ თავასაში ცოფზე დაკვირვების 6-თვიანი პერიოდის გავლის შემდეგ 30 ძაღლს გააჩუქებენ. სურსათის ეროვნული სააგენტოს ინფორმაციით, ძაღლები მაისში მარტვილის მუნიციპალიტეტიდან გადაიყვანეს. მათ სტერილიზაცია კასტრაცია, ცოფის საწინააღმდეგო ვაქცინაცია და იდენტიფიკაცია ჩაუტარდათ. ცხოველების გაჩუქება ერთი კვირის განმავლობაში იგეგმება. ძაღლებს, რომლებსაც პატრონი არ გამოუჩნდება, პირვანდელ ადგილებზე დააბრუნებენ. მათზე მზრუნველობა საქართველოს ცხოველთა ფედერაციამ ითავა