ზელენსკი: ამ დრომდე არ არსებობს პასუხი Starshield-ის ტერმინალების სიჩქარის შეზღუდვის მიზეზებზე
მსოფლიო

უკრაინის პრეზიდენტმა, ვოლოდიმირ ზელენსკიმ განაცხადა, რომ ამ დრომდე არ არსებობს პასუხი Starshield-ის ტერმინალების სიჩქარის შეზღუდვის მიზეზებზე.
კერძოდ, უკრაინის თავდაცვის მინისტრმა და უკრაინის შეიარაღებული ძალების მთავარსარდალმა პრეზიდენტს Starshield-ის სიჩქარის საკითხზე ამერიკულ მხარესთან მიმდინარე მოლაპარაკებების შესახებ მოახსენეს.
„სამწუხაროდ, ფრონტის ხაზსა და უკრაინის დროებით ოკუპირებულ ტერიტორიებზე ჩვენი ძალებისთვის სიჩქარის შეზღუდვა კვლავ შენარჩუნებულია საათში 161 კილომეტრის დონეზე. ეს, კერძოდ, შეუძლებელს ხდის რეაქტიული „შაჰიდების“ წინააღმდეგ ჩამჭრელების გამოყენებას. მკაფიო ახსნა-განმარტება ამ დრომდე არ არსებობს“, - განაცხადა ზელენსკიმ.
აღნიშნულთან დაკავშირებით, პრეზიდენტმა უკრაინის უწყებებს დაავალა, უფრო აქტიურად ითანამშრომლონ აშშ-ის სახელმწიფო დეპარტამენტთან, პენტაგონთან და კომპანია SpaceX-თან, რათა განმარტებები მიიღონ და არსებული ვითარება გამოასწორონ.





