ზელენსკი G20-ს სამიტზე აშშ-სა და რუსეთის ლიდერებთან სამმხრივ შეხვედრას არ გამორიცხავს

უკრაინის პრეზიდენტი დეკემბერში, „დიდი ოცეულის“ (G20) სამიტის ფარგლებში, უკრაინა-რუსეთი-ამერიკის ლიდერების სამმხრივი შეხვედრის გამართვას არ გამორიცხავს. ვოლოდიმირ ზელენსკის თქმით, ეს ფორმატი ამერიკული მხარის ინიციატივაა.

„ვფიქრობ, ეს არის სამმხრივი შეხვედრის ჩატარების რეალური შესაძლებლობა, რომელსაც შესაძლოა რეალური შედეგი მოჰყვეს“, - განაცხადა ზელენსკიმ.

ამერიკის სახელმწიფო მდივანმა „დიდი ოცეულის“ სამიტზე რუსეთის პრეზიდენტი ვლადიმერ პუტინი მიიწვია. ზელენსკი ამბობს, რომ თუ შეხვედრა შედგა, მას უკრაინაში ომის დასასრულებლად რეალური შედეგის მოტანა შეუძლია.