მელანია ტრამპი: დონალდ ტრამპი შეუჩერებლად მუშაობს, მასზე მეტი ენერგია არავის აქვს - დილიდან საღამომდე, უწყვეტ რეჟიმში შრომობს

აშშ-ის პირველმა ლედიმ, მელანია ტრამპმა FOX & Friends-ისთვის მიცემულ ინტერვიუში დონალდ ტრამპის მეორე საპრეზიდენტო ვადა შეაფასა და აღნიშნა, რომ პრეზიდენტი „აკეთებს ყველაფერს, რაც შეუძლია“.

Fox News-ის წამყვანმა, ბრაიან კილმიდმა მელანია ტრამპს ჰკითხა, თუ რას აკეთებს პრეზიდენტი ახლა განსხვავებულად, პირველ ვადასთან შედარებით.

„ის ძალიან ფოკუსირებულია. მას უამრავი საქმე აქვს. ახლა მსოფლიოში სრულიად სხვაგვარი სიტუაციაა. თუმცა ვფიქრობ, იგი აკეთებს ყველაფერს, რაც შეუძლია“, - განაცხადა პირველმა ლედიმ.

„ის შეუჩერებლად მუშაობს. მასზე მეტი ენერგია არავის აქვს. დილიდან საღამომდე, უწყვეტ რეჟიმში შრომობს“, - დასძინა მელანია ტრამპმა.