არგენტინის პრეზიდენტმა გაეროს „უსარგებლო ორგანიზაცია“ და „ამპარტავანი პარაზიტების კასტა“ უწოდა

არგენტინის პრეზიდენტმა, ხავიერ მილეიმ გაეროს გენერალურ ასამბლეაზე სიტყვით გამოსვლისას ორგანიზაცია მკაცრად გააკრიტიკა და ის სრულიად ეფექტიანობას მოკლებულ სტრუქტურად შეაფასა.

მილეის განცხადებით, გაეროს დაარსებისას წევრ ქვეყნებს შორის დადებული „წმინდა აღთქმა“, რომელიც კონფლიქტების ძალისმიერი მეთოდების ნაცვლად თანამშრომლობით მოგვარებას ითვალისწინებდა, დღეს დარღვეულია.

„სხვა სიტყვებით რომ ვთქვათ, გაერო გახდა უსარგებლო ორგანიზაცია, რომლის ერთადერთი მიზანია შეინახოს ამპარტავანი პარაზიტების კასტა, რომლებიც თავს კეთილი განზრახვების მქონე ბიუროკრატებად ასაღებენ“, - განაცხადა არგენტინის პრეზიდენტმა.