მაკრონი რუსეთსა და უკრაინაში ენერგოინფრასტრუქტურაზე იერიშების „ორმხრივი მორატორიუმის“ დაწესების ინიციატივით გამოდის

საფრანგეთის პრეზიდენტმა, ემანუელ მაკრონმა საერთაშორისო თანამეგობრობას მოუწოდა, „რუსეთი საკუთარი განცხადებების პირისპირ დააყენოს“ და გამოვიდა ინიციატივით, დაწესდეს „ორმხრივი მორატორიუმი“ რუსეთსა და უკრაინაში ენერგეტიკულ ობიექტებზე განხორციელებულ დარტყმებზე.

„ჩვენ მხარს ვუჭერთ ორმხრივი მორატორიუმის ინიციატივას - შეთანხმებას ორივე მხრიდან ენერგეტიკასა და სამოქალაქო ინფრასტრუქტურაზე თავდასხმების შეჩერებაზე“, - განაცხადა საფრანგეთის პრეზიდენტმა.

მან ასევე მოუწოდა „შავ ზღვაზე მორატორიუმის გამოცხადებისკენ, რაც შესაძლებელს გახდის მარცვლეულის ტრანსპორტირებას და პასუხს გასცემს სასურსათო უსაფრთხოების უაღრესად კრიტიკულ საკითხს უამრავი განვითარებადი ქვეყნისთვის“.