გერმანიას უკრაინისთვის საჰაერო თავდაცვის სისტემა „პეტრიოტის“ მიწოდება არ შეუძლია - ამის შესახებ გერმანიის თავდაცვის მინისტრმა განაცხადა

გერმანიას უკრაინისთვის საჰაერო თავდაცვის სისტემა „პეტრიოტის“ მიწოდება არ შეუძლია - ამის შესახებ გერმანიის თავდაცვის მინისტრმა განაცხადა. ბორის პისტორიუსისი თქმით, „პეტრიოტის“ უკრაინისთვის მიწოდება საკუთარი საჰაერო თავდაცვის სისტემის კრიტიკულად შესუსტების საფრთხეს ქმნის. ამასთან მინისტრმა პისტორიუსმა ეჭვი გამოთქვა უკრაინაში ცეცხლის სწრაფად შეწყვეტის პერსპექტივასთან დაკავშირებით და აღნიშნა, რომ იმედი აქვს, მოსკოვი დასახულ მიზნებს ვერ მიაღწევს.