პროფესიული დამსახურებისა და მრავალწლიანი საქმიანობისთვის საბანკო სექტორის წარმომადგენლები დააჯილდოვეს

პროფესიული დამსახურებისა და მრავალწლიანი საქმიანობისთვის საბანკო სექტორის წარმომადგენლები დააჯილდოვეს. ბანკირის დღისადმი მიძღვნილ ღონისძიებას ეროვნულმა ბანკმა უმასპინძლა. საპატიო სიგელები და სამახსოვრო საჩუქრები გადაეცათ თანამშრომლებს, რომლებსაც ეროვნულ ბანკში მუშაობის 30 წელი შეუსრულდათ. ასევე დაჯილდოვდნენ კომერციული ბანკების გამორჩეული თანამშრომლები. საქართველოში ბანკირის დღე 2001 წლიდან, 8 ნოემბერს აღინიშნება. რაც პირველი ქართული ბანკის - თბილისის სათავადაზნაურო-საადგილმამულო ბანკის დაარსებასა და მისი პირველი მმართველის, ილია ჭავჭავაძის დაბადების დღეს უკავშირდება. პროფესიული დღის დაწესების ინიციატივა ეროვნულ ბანკსა და საბანკო ასოციაციას ეკუთვნით.