საქართველოსა და ჩინეთს შორის სავაჭრო-ეკონომიკური კავშირების გაღრმავება იყო მთავარი თემა ოფიციალურ მიღებაზე

საქართველოსა და ჩინეთს შორის სავაჭრო-ეკონომიკური კავშირების გაღრმავება იყო მთავარი თემა ოფიციალურ მიღებაზე, სადაც ორი ქვეყნის ბიზნესის წარმომადგენლებს საქართველოს პრემიერი და ჩინეთის ვიცე-პრეზიდენტი შეხვდნენ. ყურადღება გამახვილდა ქვეყნებს შორის არსებულ სტრატეგიულ პარტნიორობასა და სავაჭრო-ეკონომიკური კავშირების განვითარების პოზიტიურ დინამიკაზე. ირაკლი კობახიძემ ვიზიტის განსაკუთრებულ მნიშვნელობას გაუსვა ხაზი და ორმხრივი ურთიერთობების განვითარების პერსპექტივებზე ილაპაარაკა. მიღება საქართველოს სავაჭრო-სამრეწველო პალატის ორგანიზებით გაიმართა.