ოთხი ოქტომბრის ვერშემდგარი დამხობის საქმეზე მსჯავრდებულმა კიდევ სამმა ადამიანმა დანაშაულის აღიარების და მონანიების საფუძველზე დღეს პენიტენციური დაწესებულება დატოვა

ევროკომისიის მხრიდან პატიმრების გათავისუფლების კატეგორიული მოთხოვნის ფონზე, რომელსაც თან ახლავს ბუნდოვანება კონკრეტიკის კუთხით, ძალადობრივი აქციების მონაწილეები დანაშაულს აღიარებენ და საპროცესო შეთანხმებებს აფორმებენ. ოთხი ოქტომბრის ვერშემდგარი დამხობის საქმეზე მსჯავრდებულმა კიდევ სამმა ადამიანმა დანაშაულის აღიარების და მონანიების საფუძველზე დღეს პენიტენციური დაწესებულება დატოვა. მათგან ერთ-ერთს ბრალად ჯგუფური ძალადობის ორგანიზება ედება. საპროცესო შეთანხმების საფუძველზე გათავისუფლებულები სხვა მსჯავრდებულებსაც პროკურატურასთან თანამშრომლობისკენ მოუწოდებენ.