დონალდ ტრამპი: ძალიან პროდუქტიული შეხვედრა მქონდა პრეზიდენტ სი ძინპინთან. უდიდესი ცვლილებებია მოსალოდნელი

აშშ-ის პრეზიდენტი დონალდ ტრამპი თავის სოციალურ ქსელში ჩინეთის ლიდერთან სი ძინპინთან ვაშინგტონში გამართულ შეხვედრას გამოეხმაურა და მას ძალიან პროდუქტიული უწოდა.

როგორც ტრამპმა აღნიშნა, აშშ-ჩინეთის ურთიერთობებში უდიდესი ცვლილებებია მოსალოდნელი.

თეთრი სახლის ლიდერის განცხადებით, სახელწოდება „ხელოვნური ინტელექტი“ არის ცუდი. მისი თქმით, ის და სი ძინპინი ფიქრობენ, რომ ხელოვნური ინტელექტს სჯობს „სუპერინტელექტი“ დაერქვას.

„ძალიან პროდუქტიული შეხვედრა მქონდა პრეზიდენტ სი ძინპინთან, რომელიც როგორც აშშ-თვის, ისე ჩინეთისთვის მნიშვნელოვანი იყო. უდიდესი ცვლილებებია მოსალოდნელი. თითქმის ყველა დანარჩენის მსგავსად, მასაც მოეწონა იდეა, რომ ცუდად და არაზუსტად დარქმეულ „ხელოვნურ ინტელექტს“ გაცილებით უფრო ზუსტი და მნიშვნელოვანი სახელი „სუპერინტელექტი“ ვუწოდოთ. ეს ნამდვილად შესანიშნავი იქნებოდა! გუშინ საღამოს ამაზე ყველა შევთანხმდით“, - დაწერა ტრამპმა.