სომხეთისა და აზერბაიჯანის საგარეო საქმეთა მინისტრებმა ორ ქვეყანას შორის სამშვიდობო პროცესი განიხილეს

სომხეთის საგარეო საქმეთა მინისტრმა არარატ მირზოიანმა, ნიუ-იორკში, გაეროს გენერალური ასამბლეის 81-ე სესიის ფარგლებში, აზერბაიჯანელ კოლეგასთან ჯეიჰუნ ბაირამოვთან შეხვედრა გამართა. ინფორმაციას სომხეთის საგარეო უწყება ავრცელებს.

„მინისტრებმა ხაზი გაუსვეს სომხეთსა და აზერბაიჯანს შორის არსებულ მშვიდობას, განიხილეს პროგრესი, რომელსაც 2025 წელს ვაშინგტონში გამართული სამშვიდობო სამიტის შემდეგ მიაღწიეს. განსაკუთრებული ყურადღება დაეთმო სომხეთსა და აზერბაიჯანს შორის ეკონომიკური და სატრანსპორტო კომუნიკაციების განბლოკვას“, - აღნიშნულია სომხეთს საგარეო საქმეთა სამინისტროს ინფორმაციაში.

საგარეო უწყების განმარტებით, ამ კონტექსტში სომხეთისა და აზერბაიჯანის სავაჭრო და ტრანზიტული ურთიერთობები არის მშვიდობის შედეგის ნათელი მაგალითი. მინისტრები შეთანხმდნენ, რომ პირდაპირ დიალოგს გააგრძელებენ.