ბენიამინ ნეთანიაჰუ: ერდოღანი ტირანია

ისრაელის პრემიერ-მინისტრმა,ლ ბენიამინ ნეთანიაჰუმ ხუთშაბათს საღამოს გაეროს გენერალურ ასამბლეას სიტყვით მიმართა. გამოსვლისას ნეთანიაჰუმ დაიცვა ისრაელი გენოციდის ბრალდებებისგან, მადლობა გადაუხადა დონალდ ტრამპს მხარდაჭერისთვის და გააკრიტიკა ირანი და კატარი ანტიისრაელური პროპაგანდის დაფინანსების გამო.

თუმცა, ნეთანიაჰუმ ყველაზე მწვავე კომენტარები თურქეთის პრეზიდენტის, რეჯეფ თაიფ ერდოღანის მისამართით გამოიყენა - მას „ტირანი“ და „ანტისემიტური სიცრუის სუპერ-გამავრცელებელი“ უწოდა.

„ერდოღანი ტირანია. ის თურქეთში „ჰამასს“ მასპინძლობს. მას ათასობით ქურთი მშვიდობიანი მოქალაქე ჰყავს მოკლული. ის უარყოფს სომეხთა გენოციდს. ის ციხეში სვამს ჟურნალისტებსა და ოპოზიციის ლიდერებს“, - განაცხადა ნეთანიაჰუმ. - „ის უკანონოდ ახდენს ჩრდილოეთ კვიპროსისა და ევროკავშირის წევრი ქვეყნის ოკუპაციას და რეგულარულად არღვევს საბერძნეთის სუვერენიტეტს. ახლა კი სირიის ხელში ჩაგდება სურს“.

„ის აცხადებს, რომ იერუსალიმის მმართველი გახდება. ვერ მოგართვით, ბატონო. თქვენ ეს არ გამოგივათ. ეს ჩვენი ქვეყანაა, ჩვენი ქალაქი, ჩვენი მარადიული დედაქალაქი“, - დასძინა ნეთანიაჰუმ.