ნეთანიაჰუმ გაეროს გენერალურ ასამბლეაზე სიტყვით გამოსვლისას დიდი ბრიტანეთი კოლონიური ისტორიის გამო ფარისევლობაში დაადანაშაულა

ბენიამინ ნეთანიაჰუმ გაეროს გენერალურ ასამბლეაზე სიტყვით გამოსვლისას დიდი ბრიტანეთი კოლონიური ისტორიის გამო ფარისევლობაში დაადანაშაულა.

ისრაელის პრემიერ-მინისტრი, რომლის გამოსვლასაც ნიუ-იორკში დელეგატების მასობრივი პროტესტი და დარბაზის დატოვება მოჰყვა, გამოეხმაურა ბრიტანეთის გადაწყვეტილებას დასავლეთ სანაპიროზე სანქციების დაწესებისა და პალესტინის სახელმწიფოდ აღიარების შესახებ.

მან განაცხადა: „ისინი ისრაელს, პატარა ისრაელს, კოლონიალიზმში ადანაშაულებენ - რაღა დროს კოლონიალიზმია. და ვინ გვდებს ბრალს? მათ შორის არიან ადამიანები ბრიტანეთსა და საფრანგეთში. ეს ტერმინი ხომ მათ მოიგონეს“.

ნეთანიაჰუმ ასევე უარყო ღაზაში გენოციდის შესახებ ბრალდებები და მას „საუკუნის უდიდესი სიცრუე“ უწოდა. მისი თქმით, ისრაელმა ირანის რეჟიმისა და ბირთვული იარაღის განადგურებით „ცივილიზაცია გადაარჩინა“.

ნეთანიაჰუმ ზოჰრან მამდანიც დაადანაშაულა „ანტისემიტიზმში“ და აღნიშნა, რომ ნიუ-იორკის მერი „სიმართლეს სახეში აფურთხებს“.