„ევრონიუსის“ მიერ ორგანიზებულ ევროკავშირის გაფართოების სამიტში მიიღებს მონაწილეობას საქართველოს პრემიერი

„ევრონიუსის“ მიერ ორგანიზებულ ევროკავშირის გაფართოების სამიტში მიიღებს მონაწილეობას საქართველოს პრემიერი. ბრიუსელში, მსჯელობა ევროკავშირის გაფართოების მომავალს, კანდიდატი ქვეყნების პროგრესსა და ევროპის წინაშე არსებულ სტრატეგიულ გამოწვევებს დაეთმობა. განიხილავენ, გაწევრების მსურველი ქვეყნების მიერ განხორციელებულ რეფორმებსა და აღებულ ვალდებულებებს. ყურადღების ცენტრში იქნება ასევე ევროპის უსაფრთხოება, დემოკრატია, კონკურენტუნარიანობა და სტრატეგიული ავტონომია. სამიტს დაესწრებიან ევროპული საბჭოს პრეზიდენტი ანტონიო კოშტა, ჩრდილოეთ მაკედონიის პრეზიდენტი, ხორვატიის, მოლდოვის, ალბანეთის, სომხეთისა და მონტენეგროს ლიდერები.