აჭარის მთავრობის თავმჯდომარე, რეგიონის ფინანსთა და ეკონომიკის მინისტრთან ერთად, ტურიზმის სექტორის წარმომადგენლებს შეხვდა

აჭარის მთავრობის თავმჯდომარე, რეგიონის ფინანსთა და ეკონომიკის მინისტრთან ერთად, ტურიზმის სექტორის წარმომადგენლებს შეხვდა. განიხილეს ტურიზმის სფეროს განვითარების სხვადასხვა აქტუალური საკითხი. აჭარის ტურიზმის დეპარტამენტის ხელმძღვანელმა არსებული სიახლეების შესახებ პრეზენტაცია წარადგინა. აჭარაში ტურისტული ვიზიტების რაოდენობამ სამ მილიონს გადააჭარბა. მესამე კვარტალში გაიზარდა როგორც საერთაშორისო ვიზიტების რაოდენობა, ისე ტურიზმიდან მიღებული შემოსავლები. შეხვედრაზე აღინიშნა, რომ ბათუმმა, მსოფლიო მოგზაურთა პრესტიჟული ჯილდო კიდევ ერთხელ მოიპოვა და ის წელს, ევროპის ოთხი სეზონის წამყვან ტურისტულ მიმართულებად დასახელდა.