სოციალურ ქსელებში სიძულვილის ენისა და შეურაცხმყოფელი ლექსიკის გამოყენების ფაქტებზე სასამართლოებმა მორიგი გადაწყვეტილებები გამოიტანეს

სოციალურ ქსელებში სიძულვილის ენისა და შეურაცხმყოფელი ლექსიკის გამოყენების ფაქტებზე სასამართლოებმა მორიგი გადაწყვეტილებები გამოიტანეს. თანამდებობის პირების არაერთგზის შეურაცხყოფისთვის მცხეთის რაიონულმა სასამართლომ ერთ-ერთ მოქალაქეს 7-დღიანი პატიმრობა შეუფარდა, თბილისის საქალაქო სასამართლოში განხილული საქმეები კი რამდენიმე პირის შემთხვევაში 1500-დან 3000-ს ლარამდე ჯარიმითა და სიტყვიერი გაფრთხილებით დასრულდა. შინაგან საქმეთა სამინისტროს სპეციალურმა დეპარტამენტმა სასამართლოებს რეაგირებისთვის უკვე 400-ზე მეტი მსგავსი საქმე გადაუგზავნა.