საერთაშორისო სავალუტო ფონდის პროგნოზით, საქართველოს ეკონომიკა ერთ სულ მოსახლეზე მსყიდველუნარიანობის მიხედვით, 10-წლიანი და 20-წლიანი ზრდის ტემპით, ლიდერ პოზიციაზეა

მსოფლიოს საუკეთესო სამეულში და პირველ ადგილზე ევრაზიაში - საერთაშორისო სავალუტო ფონდის პროგნოზით, საქართველოს ეკონომიკა ერთ სულ მოსახლეზე მსყიდველუნარიანობის მიხედვით, 10-წლიანი და 20-წლიანი ზრდის ტემპით, ლიდერ პოზიციაზეა. 2012 წლიდან 2031 წლამდე ეს მაჩვენებელი ხუთჯერ გაიზრდება. 2026 წელს ის 32 ათას 661 საერთაშორისო დოლარს, 2031 წლისთვის კი 46 ათას 848 საერთაშორისო დოლარს მიაღწევს. აღსანიშნავია ისიც, რომ ამერიკულ დოლარში საქართველოს ნომინალური ეკონომიკის ზრდის საშუალო ტემპი 2026-2031 წლებში სავალუტო ფონდის პროგნოზით 10,7%-ი იქნება.