გაეროში ოკუპირებულ ტერიტორიებზე არსებული ვითარება განიხილეს
გაეროს უშიშროების საბჭომ დახურულ სხდომაზე 2008 წლის რუსეთ-საქართველოს ომი და რუსეთის მიერ ოკუპირებულ საქართველოს ტერიტორიებზე არსებული ვითარება განიხილა. სხდომის შემდეგ კი საქართველოს მხარდამჭერი ერთობლივი განცხადება გაკეთდა. გაეროს უშიშროების საბჭოს წევრებმა მტკიცე მხარდაჭერა გამოხატეს საქართველოს დამოუკიდებლობის, სუვერენიტეტისა და საერთაშორისოდ აღიარებულ საზღვრებში, მისი ტერიტორიული მთლიანობის მიმართ; აშშ-ის, ალბანეთის, გაერთიანებული სამეფოს, ირლანდიის, ნორვეგიის, საფრანგეთის, იაპონიისა და მალტის წარმომადგენლებმა კიდევ ერთხელ მოუწოდეს რუსეთს, სრულად შეასრულოს 2008 წლის 12 აგვისტოს ცეცხლის შეწყვეტის შეთანხმებით ნაკისრი ვალდებულებები.