Aftonbladet: შვედეთში ხელოვნურმა ინტელექტმა რეალითი-შოუს მთელი სეზონი წაშალა

ხელოვნური ინტელექტის აგენტმა, რომელიც პროდიუსერულმა კომპანია Mastiff-მა საკუთარ სერვერზე გაუშვა, რეალითი-შოუ The Challenge Sverige-ს დამონტაჟებული სეზონი სრულად წაშალა. ამის შესახებ გაზეთი Aftonbladet იუწყება.

ტელეარხ TV4-ზე პრემიერამდე სულ რაღაც 5 კვირა რჩებოდა, ახალი სეზონი ეთერში 22 ნოემბერს უნდა გასულიყო. გაზეთის ცნობით, წაშლის მიზეზი სწორედ ხელოვნური ინტელექტი გახდა, რომელიც მაშინ ჩართეს, როდესაც შოუ საბოლოო დამუშავებას გადიოდა. მასზე რამდენიმე დღის განმავლობაში ასობით ადამიანი მუშაობდა.

ტელეარხზე ფაილების დაკარგვა დაადასტურეს, თუმცა მიზეზად „ტექნიკური ხარვეზი“ დაასახელეს. „ამ შემთხვევაში მთავარი პრობლემა ის არის, რომ სარეზერვო ასლმა არ იმუშავა, რაც იმას ნიშნავს, რომ მათ ყველაფრის ნულიდან გაკეთება უწევთ. შავი მასალა არსებობს, ასე რომ, ეს პრობლემა არ არის, თუმცა, რა თქმა უნდა, დროის დაკარგვა გვიწევს“, - განაცხადა ტელეარხის პროგრამირების განყოფილების ხელმძღვანელმა მია ლინდკვისტმა.

დამონტაჟებული მასალის აღდგენა ვერ მოხერხდა, რის გამოც პრემიერის გადადება 2027 წლისთვის მოუხდათ.

The Challenge Sverige რეალითი-შოუ The Challenge-ის შვედური ადაპტაცია. მასში რამდენიმე მონაწილე ერთმანეთს მილიონი შვედური კრონის (დაახლოებით 260 000 ლარი) ოდენობის ფულადი პრიზისთვის ეჯიბრება.