აჭარის მთავრობის ადმინისტრაციაში ეკონომიკური საბჭოს მორიგი სხდომა გაიმართა

აჭარის მთავრობის თავმჯდომარის, ზურაბ პატარაძის ხელმძღვანელობით, ეკონომიკური საბჭოს სხდომა გაიმართა.

სხდომაზე დღის წესრიგით გათვალისწინებული ექვსი საკითხი განიხილეს. იმსჯელეს კერძო სექტორში არსებულ გამოწვევებზე, ინვესტიციების მოზიდვისა და ბიზნესის ხელშეწყობის მექანიზმებზე.

ზურაბ პატარაძემ აღნიშნა, რომ აჭარის საინვესტიციო და ბიზნესგარემოს მიმართ ინტერესი სულ უფრო მეტად იზრდება. მისი თქმით, კერძო სექტორის მხარდაჭერა და ახალი საინვესტიციო შესაძლებლობების განვითარება რეგიონის მდგრადი ეკონომიკური ზრდის ერთ-ერთი მნიშვნელოვანი წინაპირობაა.

შეხვედრაზე ხაზი გაესვა აჭარის მაღალმთიანეთის კურორტ გოდერძიზე გამართული საინვესტიციო-ბიზნეს ფორუმის მნიშვნელობასაც და აღინიშნა, რომ მსგავსი შეხვედრები მაღალმთიან აჭარაში ახალი საინვესტიციო შესაძლებლობების და ინვესტიციების მოზიდვისთვის დამატებითი სტიმულის მიმცემი გახდება.

ინფორმაციას აჭარის ავტონომიური რესპუბლიკის მთავრობა ავრცელებს.