ირაკლი ზარქუა: დასავლეთისთვის საქართველო, უკრაინაც უნდა ყოფილიყო ის პოლიგონი, სადაც რუსეთი უნდა დაეღალათ. ისინი გვიყურებდნენ როგორც სამსხვერპლოს, რაზედაც უარი ვთქვით და ამის გამო აქ რევოლუციას გვიწყობდნენ

დასავლეთისთვის საქართველო, უკრაინაც უნდა ყოფილიყო ის პოლიგონი, სადაც რუსეთი უნდა დაეღალათ. რუსეთს უნდა შევწირვოდით, რათა მაკრონებს, კალასებს, კუბილიუსებს იქ მშვიდად განცხადებები ეკეთებინათ, აქ კი ჩვენ უნდა შევწირვოდით, - განაცხადა დიასპორის საკითხთა საპარლამენტო კომიტეტის თავმჯდომარე ირაკლი ზარქუამ.

დეპუტატი გამოეხმაურა ფინეთის პრეზიდენტის განცხადებას, რომ უკრაინის არმია არის თანამედროვე სამხედრო ძალა, რომელიც დღეს ევროპაში წარმოადგენს ბუფერულ ზონას და ბარიერს რუსული აგრესიის პოტენციალის წინააღმდეგ.

„ისინი გვიყურებდნენ როგორც სამსხვერპლოს, რაზედაც უარი ვთქვით და ამის გამო აქ რევოლუციას გვიწყობდნენ. ვთქვით, რომ საქართველოს თავისი ინტერესები აქვს და ეს ინტერესები გულისხმობს მშვიდობის შენარჩუნებას. კიდევ ერთხელ მადლობა ქართველ ხალხს ნდობისთვის. რომ არა მათი ნდობა, ალბათ აქ ტრაგედიები მოხდებოდა“, - აღნიშნა ზარქუამ.