რა გზავნილებით ჩავიდა პრემიერი გაეროს გენერალურ ასამბლეაზე. „იმედის კვირის“ სპეციალური რეპორტაჟი

დეოკუპაცია, მშვიდობის პოლიტიკა, პრაგმატიზმი - გაეროს ტრიბუნიდან საქართველოს პრემიერ-მინისტრმა მსოფლიოს მიმართა. ეს იყო უმაღლესი თანამდებობის პირის გამოსვლა, რომლის მთავარი გზავნილებიც იმ რეალობას ასახავდა, რომელშიც დღეს საქართველო და მსოფლიო არიან. მთავრობის მეთაურმა ილაპარაკა როგორც საშინაო, ისე საგარეო პოლიტიკაზე და იმ გამოწვევებზე, რომლებთან გამკლავებაც დღევანდელ ხელისუფლებას უწევს.

ირაკლი კობახიძემ ყურადღება გაამახვილა გლობალურ სირთულეებზე, რომელთა წინაშეც დღეს მთელი მსოფლიო დგას და რომლებიც გავლენას ყველა ქვეყანაზე, მათ შორის საქართველოზეც ახდენს.

პრემიერის განცხადებით, ხანგრძლივი მშვიდობა ძალის გამოყენებით ვერ დამყარდება და ის დიალოგს, ურთიერთგაგებასა და ურთიერთპატივისცემას უნდა ეფუძნებოდეს.

საქართველოს ოკუპირებულ ტერიტორიებთან დაკავშირებით მან კიდევ ერთხელ დააყენა დეოკუპაციისა და ქვეყნის ტერიტორიული მთლიანობის აღდგენის საკითხი და მიმართა აფხაზ და ოს თანამოქალაქეებს. მთავრობის მეთაურმა ყურადღება საქართველოს ეკონომიკურ განვითარებასა და ქვეყნის სტრატეგიულ მდებარეობაზეც გაამახვილა.

რა გზავნილებით ჩავიდა პრემიერი გაეროს გენერალურ ასამბლეაზე, შორენა ხვიჩია შეაჯამებს პრემიერ-მინისტრის ოფიციალურ ვიზიტს.