შალვა პაპუაშვილი: როდესაც აგვისტოს ომის ანტიგმირის - კეზერაშვილის ტელევიზია ავრცელებს სიცრუეებს ომთან და მოწოდებებთან დაკავშირებით, ეს კიდევ ერთხელ აჩვენებს იმ მორალურ პოზიციას, სადაც იმყოფება პარტიული მედია

თქვენ რასაც ავრცელებთ, ეს არის სიცრუე, - განაცხადა საქართველოს პარლამენტის თავმჯდომარემ შალვა პაპუაშვილმა ჟურნალისტის კითხვაზე, რომ „ბიძინა ივანიშვილმა გააკეთა განცხადება, რომ ჩვენ რუსეთთან ბოდიში გვაქვს მოსახდელი”.

„როდესაც აგვისტოს ომის ანტიგმირის - კეზერაშვილის ტელევიზია ავრცელებს სიცრუეებს ომთან და მოწოდებებთან დაკავშირებით, ეს კიდევ ერთხელ აჩვენებს იმ მორალურ პოზიციას, სადაც იმყოფება თქვენი პარტიული მედია. ტყუილია, რაც თქვენ თქვით ანუ თქვენ რასაც ამბობთ, რომ ეს არის ბიძინა ივანიშვილის განცხადება, ეს არის ტყუილი. თქვენ იტყუებით, შეგიძლიათ, გადაამოწმოთ”, - მიმართა მან ტელეკომპანია „ფორმულას“ ჟურნალისტს.