ბელორუსში კორუფციის ბრალდებით მაღალჩინოსნების დაკავება დაიწყო

ბელარუსში კორუფციის ბრალდებით რამდენიმე მაღალჩინოსანი დააკავეს. ამის შესახებ უშიშროების სამსახურის ხელმძღვანელი ვალერი ვაკულჩიკი იტყობინება.

„საუბარია არაერთ ჩინოსანსა და სისხლის სამართლის საქმეზე. მათ დიდი რაოდენობით ქრთამის აღებაში ედებათ ბრალი,“-აცხადებს ვაკულჩიკი, თუმცა დაკავებულთა ვინაობას არ ასახელებს.

კორუფციასთან ბრძოლა ბელარუსის ხელისუფლებამ მაისის ბოლოს გაააქტიურა. 2 კვირის წინ სამართალდამცველებმა ქრთამის აღების ბრალდებით პრეზიდენტ ლუკაშენკოს თანაშემწე სერგეი როვნენკო დააკავეს.