ევროკავშირი აბუ-დაბიში გამართულ რუსეთ-უკრაინა-ამერიკის მოლაპარაკებებს მიესალმება

ევროკავშირი არაბთა გაერთიანებული საამიროების დედაქალაქ აბუ-დაბიში გამართულ რუსეთ-უკრაინა-ამერიკის მოლაპარაკებებს მიესალმება. აღნიშნული განცხადება ევროკომისიის პრეზიდენტმა, ურსულა ფონ დერ ლაიენმა გააკეთა.

„ჩვენ განვიხილავთ აბუ-დაბიში გამართულ სამშვიდობო მოლაპარაკებებს. ჩვენ ძალიან მივესალმებით აბუ-დაბიში გამართულ სამშვიდობო მოლაპარაკებებს. კარგი იყო, რომ ევროპელები ჩვენი ინტერესების დასაცავად იქ იყვნენ წარმოდგენილნი“, - განაცხადა ფონ დერ ლაიენმა დუბლინში ევროპული პოლიტიკური გაერთიანების მე-9 სამიტის დაწყებამდე.

მისი თქმით, უკრაინის პრეზიდენტმა ვოლოდიმირ ზელენსკიმ ევროპას სთხოვა, რომ ბრიუსელს მოლაპარაკებებისთვის მხარი დაეჭირა.

ამასთან ერთად, როგორც ურსულა ფონ დერ ლაიენმა აღნიშნა, ევროკავშირი რუსეთის წინააღმდეგ სანქციათა 22-ე პაკეტს ამზადებს. გარდა ამისა, ევროკომისია ამზადებს წინადადებებს, თუ როგორ დაფაროს უკრაინის ფინანსური საჭიროებები 2027 წელს.