ვოლოდიმირ ზელენსკი: უკრაინა მოლაპარაკებებში მოითხოვს, რომ რუსეთმა შეწყვიტოს დარტყმები ენერგეტიკულ ინფრასტრუქტურასა და ნაოსნობაზე, თუმცა არ დათანხმდება საკუთარი არმიის შეზღუდვას, ნეიტრალიტეტს ან ტერიტორიების დათმობას

ნოემბერში დაგეგმილ მოლაპარაკებებზე კიევი საკუთარი მოთხოვნებით წარდგება, რუსეთის მხრიდან ნეიტრალიტეტის ან ტერიტორიების დათმობის მოთხოვნას კი არ დათანხმდება, - განუცხადა უკრაინის პრეზიდენტმა ვოლოდიმირ ზელენსკიმ ტელეკომპანია ТСН-ს, აბუ-დაბიში დაგეგმილ სამმხრივ შეხვედრაზე საუბრისას.

„უკრაინა მოლაპარაკებებში მოითხოვს, რომ რუსეთმა შეწყვიტოს დარტყმები ენერგეტიკულ ინფრასტრუქტურასა და ნაოსნობაზე, თუმცა არ დათანხმდება საკუთარი არმიის შეზღუდვას, ნეიტრალიტეტს ან ტერიტორიების დათმობას. ყველას უნდა ესმოდეს: პირველი, ჩვენ არაფერს არაფერში არ ვცვლით. ჩვენ მზად ვართ განხილვისთვის. თუ ტერიტორიული საკითხია - ლიდერების დონეზე. სხვა საკითხები ტექნიკური ჯგუფების დონეზე. ასე რომ, ნოემბერში ყველაფრის განხილვა შესაძლებელია“, - განაცხადა ზელენსკიმ.