ესპანეთში ავტობუსის გზიდან გადავარდნის შედეგად ათობით ადამიანი დაშავდა

ესპანეთში ავტობუსი გზიდან გადავიდა და 20-მეტრიანი კლდიდან გადავარდა. დაშავდა 83 ადამიანი, 7 მათგანის მდგომარეობა მძიმეა.

კატალონიის სასწრაფო სამედიცინო დახმარების სამსახურის ცნობით, ავარია ბარსელონასთან ახლოს, ფუგას-დე-მონკლუსში მოხდა. ავარიის ზუსტი გარემოებები დაუყოვნებლივ არ განმარტებულა, ამჟამად გამოძიება გრძელდება.

საგანგებო სიტუაციების მართვის სამსახურის ცნობით, შემთხვევის ადგილზე მობილიზებული იყო სასწრაფო დახმარების 23 ავტომობილი, ორი სამედიცინო ვერტმფრენი, მეხანძრეებისა და სამედიცინო პერსონალისგან შემდგარი სამი გაერთიანებული ჯგუფი და ფსიქოლოგიური მხარდაჭერის სამი ჯგუფი.