ფიცოს განცხადებით, სლოვაკეთი და უნგრეთი უკრაინისთვის 70 მილიარდი ევროს ოდენობის ევროკავშირის დახმარების პაკეტს არ შეუერთდებიან

სლოვაკეთის პრემიერ-მინისტრის რობერტ ფიცოს განცხადებით, უკრაინის პრეზიდენტმა ვოლოდიმირ ზელენსკიმ პარასკევს ბრიუსელში გამართულ ევროპული საბჭოს სხდომაზე ევროკავშირს 2027 წლისთვის დამატებით 70 მილიარდი ევროს სესხის გამოყოფა სთხოვა.

როგორც ფიცომ აღნიშნა, სლოვაკეთი ამ ფინანსურ მექანიზმში მონაწილეობას არ აპირებს. მისი თქმით, ამ პოზიციას უნგრეთის პრემიერ-მინისტრი პეტერ მადიარიც იზიარებს.

ფიცოს განცხადებით, ზელენსკიმ სამიტზე ევროკავშირს 2027 წლისთვის დამატებით 70 მილიარდი ევროს გამოყოფა სთხოვა, რომლის ძირითადი ნაწილი სამხედრო მიზნებს მოხმარდება.

მისი თქმით, სლოვაკეთი უკრაინის მხარდაჭერას სხვა გზებით გეგმავს, მათ შორის განათლების, საგზაო ინფრასტრუქტურისა და ენერგეტიკული კავშირების განვითარების პროექტებით.

ამასთან, მან გააკრიტიკა ის ფაქტი, რომ სამიტზე, მისი შეფასებით, საკმარისი ყურადღება არ დაეთმო სამშვიდობო ინიციატივებსა და რუსეთ-უკრაინის ომის დასრულების გზებს.