ალექსეი გონჩარენკო პარტია „ევროპული სოლიდარობის“ ფრაქციიდან გარიცხეს

დეპუტატი ალექსეი გონჩარენკო პარტია „ევროპული სოლიდარობის“ ფრაქციიდან გარიცხეს. პარტიაში განაცხადეს, რომ იდეოლოგიური უთანხმოების გამო დეპუტატთან ერთობლივ პოლიტიკურ გზას ვერ გააგრძელებენ.

„ალექსეი გონჩარენკოს საჯარო პოზიციები ომის დასრულებასა და უკრაინის უსაფრთხოების მომავალ არქიტექტურასთან დაკავშირებით აცდენილია „ევროპული სოლიდარობის“ პოზიციასა და მის იდეოლოგიურ პრინციპებთან. სწორედ ამიტომ ფრაქციამ მიიღო გადაწყვეტილება, რომ იდეოლოგიური უთანხმოების გამო ერთობლივ პოლიტიკურ გზას ვეღარ გავაგრძელებთ“, - აღნიშნულია პარტიის ოფიციალურ განცხადებაში.

წყაროებმა პოლიტიკური წრეებიდან დაადასტურეს გონჩარენკოს ფრაქციიდან გარიცხვის ფაქტი. მათივე ცნობით, აღნიშნულ საკითხზე დეპუტატს უკვე ჰქონდა შესაბამისი საუბარი „ევროპული სოლიდარობის“ ლიდერთან, ქვეყნის ყოფილ პრეზიდენტ პეტრო პოროშენკოსთან.