ესპანეთში წყალდიდობას 102 წლის ქალი ემსხვერპლა

ესპანეთის ქალაქ მადრიგერასში წყალდიდობამ მასშტაბური ზარალი გამოიწვია. დატბორილია დასახლებული რაიონები, საიდანაც ასამდე ადამიანის ევაკუაცია განხორციელდა.

არსებული ინფორმაციით, სტიქიას 102 წლის ქალი ემსხვერპლა. სახლში, რომელშიც მისი ცხედარი იპოვეს, წყლის დონე 1 მეტრს აღწევდა. ამ დრომდე ეძებენ რამდენიმე ადამიანს.