ესპანეთში საბინაო კრიზისს კვლავ აპროტესტებენ

ესპანეთში საბინაო კრიზისის საწინააღმდეგო საპროტესტო აქციები გრძელდება. მადრიდის, ვალენსიისა და სხვა ქალაქების ქუჩებში ათობით ათასი ადამიანი გავიდა. ხელისუფლების განცხადებით, საპროტესტო აქციაში 70 000 ადამიანი მონაწილეობდა, ორგანიზატორები კი 500 000 დემონსტრანტზე საუბრობენ.

ვალენსიაში სამართალდამცველებსა და მომიტინგეებს შორის დაპირისპირება მოხდა.

ამასთან, ესპანური მედიის ცნობით, პრემიერ-მინისტრმა პედრო სანჩესმა, საკანონმდებლო ინიციატივის ჩავარდნის შემდეგ, შესაძლოა ვადამდელი არჩევნები ნოემბერში დანიშნოს - გადაწყვეტილების მიღებამდე ის უქმეებზე საპროტესტო აქციების მასშტაბებს დააკვირდება.

ესპანეთში საბინაო კრიზისისა და მაღალი ქირის წინააღმდეგ მასშტაბური საპროტესტო აქციები რამდენიმე დღეა, გრძელდება. მოსახლეობის პროტესტი 87 წლის პენსიონერის გამოსახლებამ გამოიწვია, რომელიც ათწლეულები ცხოვრობდა ბინაში, ვიდრე ახალმა მფლობელმა მას ქირა 275%-ით არ გაუძვირა.