ლიეტუვის პრემიერ-მინისტრი: არსებობს თუ არა დაზვერვის სამსახურების მიერ მოპოვებული რაიმე რეალური მტკიცებულება, რომელიც დევს მაგიდაზე, იმის თაობაზე, რომ რუსეთი თავდასხმისთვის ემზადება? ასეთი არაფერია

ლიეტუვის პრემიერ-მინისტრმა მინდაუგას სინკევიჩიუსმა ნატოს გენერალურ მდივან მარკ რუტესთან ბრიუსელში გამართულ ერთობლივ პრესკონფერენციაზე განაცხადა, რომ მან ალიანსის გენმდივანს სთხოვა წარმოედგინა მტკიცებულებები, რომ რუსეთი ნატოზე თავდასხმას გეგმავს.

როგორც სინკევიჩიუსმა აღნიშნა, მან ასეთი მტკიცებულებები ვერ მიიღო.

„მე მივმართე გენერალურ მდივანს, არსებობს თუ არა დაზვერვის სამსახურების მიერ მოპოვებული რაიმე რეალური მტკიცებულება, რომელიც დევს მაგიდაზე, იმის თაობაზე, რომ რუსეთი [თავდასხმისთვის] ემზადება? ასეთი არაფერია. რისკი რჩება, მაგრამ არ მერყეობს, არ იზრდება ან მცირდება“, - განაცხადა მან.

ლიეტუვის პრემიერის თქმით, ნატომ და ევროპამ თავისი საქმის კეთება წყნარად უნდა გააგრძელონ, რასაც აკეთებენ კიდეც.