ტრამპი: დიდი გადაწყვეტილება მაქვს მისაღები, მივაღწიოთ ირანთან შეთანხმებას, რაც მათ საშუალებას მისცემს აღადგინონ და შექმნან ბევრად დიადი ქვეყანა, ვიდრე ოდესმე ყოფილა - თუ სრულად გავანადგურო ისლამური რესპუბლიკა, თანაც სწრაფად

დონალდ ტრამპმა განაცხადა, რომ ირანთან დაკავშირებით „დიდი გადაწყვეტილება“ აქვს მისაღები, რაც, სავარაუდოდ, შუალედური არჩევნების შემდეგ მოხდება.

გაეროს გენერალურ ასამბლეაზე სიტყვით გამოსვლისას ტრამპმა მადლობა გადაუხადა გაეროს უშიშროების საბჭოს „იმ რეზოლუციის უმრავლესობით მიღებისთვის, რომელიც გმობს ირანის ამაზრზენ ტერორისტულ თავდასხმებს კომერციულ ნაოსნობაზე“.

„ახლა ჩვენ ასევე ერთიანი უნდა ვიყოთ ზეწოლის შენარჩუნებაში“, - დასძინა მან.

„მე დიდი გადაწყვეტილება მაქვს მისაღები. მივაღწიოთ ირანთან შეთანხმებას, რაც მათ საშუალებას მისცემს აღადგინონ და შექმნან ბევრად დიადი ქვეყანა, ვიდრე ოდესმე ყოფილა. თუ სრულად გავანადგურო ისლამური რესპუბლიკა, თანაც სწრაფად, და არასოდეს მივცე მათ ხალხისა და ქვეყნების განადგურების შანსი?“ - აღნიშნა მან.

„თუმცა მჯერა, რომ შეთანხმებას უშუალოდ არჩევნების დასრულებისთანავე მივაღწევთ, რადგან მათთვის სხვაგვარად მოქცევას აზრი არ აქვს“, - განაცხადა ტრამპმა.