ირაკლი ქადაგიშვილი: საზღვარს ვერ გადმოკვეთს ვერცერთი შხამქიმიკატი, თუ ის ყველა შესაბამის საერთაშორისო სტანდარტს არ აკმაყოფილებს

რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა გადაცემაში „ღია ეთერი“ სასუქების ხარისხზე ისაუბრა.

როგორც მან აღნიშნა, საქართველოს საზღვარს ვერ გადმოკვეთს ვერცერთი შხამქიმიკატი, თუ ის ყველა შესაბამის საერთაშორისო სტანდარტს არ აკმაყოფილებს

„სასუქების საკითხი, რა თქმა უნდა, აქტუალურია. ახალი რეგულაციებით, რომელიც რამდენიმე წელია, უკვე მუშაობს, საზღვარს ვერ გადმოკვეთს ვერცერთი შხამქიმიკატი, თუ ის ყველა შესაბამის საერთაშორისო სტანდარტს არ აკმაყოფილებს. მათი საზღვარზე შემოსვლა წარმოუდგენელია. არის საცალო ქსელები, რომელიც უკვე ჩამოყალიბებული ბიზნესებია, რომლისთვისაც მიუღებელია რაიმე ტიპის მანიპულაცია“, - აღნიშნა ქადაგიშვილმა.