აჭარა ტოკიოს საერთაშორისო ტურისტულ გამოფენაზე

აჭარის ტურიზმის დეპარტამენტი რეგიონს ტოკიოს საერთაშორისო ტურისტულ გამოფენაზე უწევს პოპულარიზაციას.

საქართველოს სტენდთან Tourism EXPO Japan-ის დამთვალიერებლებს საშუალება აქვთ დეტალური ინფორმაცია მიიღონ აჭარაში და ზოგადად, საქართველოში მოგზაურობასთან დაკავშირებით, ასევე ქართული ღვინო და ჩურჩხელა დააგემოვნონ. გამოფენაზე სტუმრების უმრავლესობა ეკოტურისტული მიმართულებებით, გასტრონომიითა და ღვინით ინტერესდება.

გამოფენის ფარგლებში მიმდინარეობს შეხვედრები ტურისტულ კომპანიებთან, მედიისა და სარეკლამო კომპანიების წარმომადგენლებთან, იაპონიაში საქართველოს შესახებ ცნობადობის გაზრდისა და ქვეყანაში იაპონელი ტურისტების მოზიდვის მიზნით. სამუშაო შეხვედრებში აქტიურადაა ჩართული საქართველოს ელჩი იაპონიაში თეიმურაზ ლეჟავა. გამოფენა 24 სექტემბერს გაიხსნა და 28 სექტემბერს დასრულდება.

აჭარის ტურიზმის დეპარტამენტი გამოფენაზე ტურიზმის ეროვნულ ადმინისტრაციასთან, სვანეთის დმო-სა და კერძო სექტორის ათამდე კომპანიათან ერთად მონაწილეობს. Tourism EXPO Japan-ზე 80-ზე მეტი ქვეყანა და რეგიონია წარმოდგენილი. გამოფენაზე 1,300-ზე მეტი ტურისტული ორგანიზაცია, ავიაკომპანია და სააგენტო მონაწილეობს. სტუმრების რაოდენობა კი, საშუალოდ 180 ათასამდე აღწევს. გამოფენა 24 სექტემბერს გაიხსნა და 28 სექტემბერს დასრულდება.

ინფორმაციას აჭარის ტურიზმის დეპარტამენტი ავრცელებს.