საქართველოს ფეხბურთელთა ნაკრები საკუთარ სტადიონზე უნგრეთის ეროვნულ გუნდთან 0-2 დამარცხდა
უეფას ერთა ლიგის ბე დივიზიონის ჯგუფური ეტაპის მეხუთე ტურში საქართველოს ფეხბურთელთა ნაკრები საკუთარ სტადიონზე უნგრეთის ეროვნულ გუნდთან 0-2 დამარცხდა. ანგარიში 73-ე წუთზე გაიხსნა, როდესაც უნგრელების დარტყმის შემდეგ ბურთი ლაშა დვალს მოხვდა და ავტოგოლი გავიდა. 85-ე წუთზე კი, ბარნაბას ვარგამ სხვაობა ორ ბურთამდე გაზარდა. ამავე ჯგუფის მეორე შეხვედრაში ჩრდილოეთ ირლანდიის გუნდმა საკუთარ სტადიონზე უკრაინელები 1-0 დაამარცხა. ერთა ლიგის წლევანდელი გათამაშების ჯგუფურ ეტაპს საქართველოს ნაკრები უკრაინის გუნდთან თამაშით დაასრულებს. შეხვედრას 17 ნოემბერს, სლოვაკეთის ქალაქი კოშიცე უმასპინძლებს და თბილისის დროით 23:45 წუთზე დაიწყება.












