5 ოპოზიციური პარტიის აკრძალვის საკითხზე მსჯელობას, საკონსტიტუციო სასამართლო ხვალიდან დაიწყებს

5 ოპოზიციური პარტიის აკრძალვის საკითხზე მსჯელობას, საკონსტიტუციო სასამართლო ხვალიდან დაიწყებს. სხდომები 21, 22 და 23 ოქტომბერსაა ჩანიშნული. საკონსტიტუციო სასამართლოს განცხადებით, სარჩელის ავტორები მიიჩნევენ, რომ ხუთი პოლიტიკური პარტია კონსტიტუციას არღვევს და კონსტიტუციური წყობილების დამხობასა და ძალადობით შეცვლას ცდილობდა ან ამის მიზანი მომავალშიც აქვს. მმართველი გუნდი სასამართლოსგან ამ პარტიების საქმიანობის არაკონსტიტუციურად ცნობასა და აკრძალვას მოითხოვენ. სარჩელი ეხება, „ნაციონალური მოძრაობის“, „კოალიცია ცვლილებისთვის“, ლელოს“, „ფედერალისტებისა“ და პარტია „გახარია საქართველოსთვის“ საქმიანობას. სარჩელში „ნაციონალურ მოძრაობასთან“ მიმართებით ასევე საუბარია ქვეყნის დამოუკიდებლობის ხელყოფისა და ტერიტორიული მთლიანობის დარღვევის შესაძლო საფუძვლებზე.