„ენ-ბი-სი ნიუსის“ ცნობით, ამერიკის თავდაცვის დეპარტამენტი, ევროპაში განთავსებული ამერიკული სამხედრო კონტინგენტის თითქმის მესამედით შემცირებას განიხილავს

„ენ-ბი-სი ნიუსის“ ცნობით, ამერიკის თავდაცვის დეპარტამენტი, ევროპაში განთავსებული ამერიკული სამხედრო კონტინგენტის თითქმის მესამედით შემცირებას განიხილავს. საუბარია დაახლოებით 20-იდან 30 ათასამდე სამხედროს გაყვანასა ან გადაჯგუფებაზე. მედიის ინფორმაციით, პენტაგონის რადიკალურ გეგმაში ევროპაში ამერიკული თვითმფრინავების, ხომალდებისა და შეიარაღების შემცირებაც შედის. პენტაგონის გეგმა ვაშინგტონის მხრიდან რესურსების ინდო-წყნარი ოკეანის რეგიონსა და შიდა უსაფრთხოების პრიორიტეტებზე გადატანას უკავშირდება.